Plantun de Prouvènço

Pèr coumpara dos planto d'encò nostre

Carex austroalpina & Stellaria nemorum

Queirello(-dis-Aup-dóu-miejour)

Carex austroalpina

Cyperaceae

Àutri noum : Moutouso, Sagneto.

Nom en français : Laiche des Alpes du sud.

Descripcioun :
Aquesto queirello trachis en mountagno, dins li relarg un pau umide, ounte ié fai de mato de fueio di proun primo (0,8 à 2 mm). Es un bon mouien de la recounèisse. Pamens regardas tambèn que i'ague uno espigo masclo e uno à quatre espigo femelo que pendoulon un cop maduro. Lis utriculo lusènto an tres estigmate emé un bè de 0,2 à 1 mm (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50(60) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 10 à 20 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Prado umido - Pinèdo - Melounié
Estànci : Subremediterran à Subaupen
Couroulougi : Ouroufito-Aupenco-Sud-Ouèst
Ref. sc. : Carex austroalpina Bech., 1939 (= Carex ferruginea subsp. tenax (H.Christ) K.Richt., 1890 )

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.